Brapa ari ani sajok tah juak banar ari. Tapi atutah, adakah kesajokan ari ani mbuat urang jadi gilak? Supaya jadi panas? Haha... Antah eh. Buduh juak. Ku bawa tidur jap tadi rilekkan saja diri kelalahan sudah mulih kraja. Ari ani aku kan menaip dalam bahasa ku saja. Sanang saja mun siapa paham. Mun paham bisai.
Baru tah ani wah, patang ani tadiii, aku kan mulih sudah pukul 4:30pm tadi. Kan punch tah sudah, tapi, sebalom atu, aku ngan Kak Ibiza(bukan nama banar) gagau tah jua kan ngaga ada tah bahagian lain di tampat kraja kami atu. Ada tah gagau kan urusan tukar waktu bertugas kaunter bah. Rasaku, betul tah juak sudah prosedur kami dua atu. Sebab, nama kami dua naik ba bulan ani bertugas. Aku ok saja ba dengan waktu kan bertugas tuu terkana ari ahad, cuma Kak Ibiza minta tulung ku tukar waktu ngan iak. Kali gagau bah nya minggu ani, atutah kan tukar waktu dengan aku. Aku bukan minggu ani, aku minggu sebuting lagi baru tah bertugas. Jadi, kiranya iak kan minta aku tulung iak ganti minggu ani, duty ku minggu sebuting atu iak buatkan. Macam atu, aku suka pulang daripada, aku ganti iak, iak nda ganti aku. Atu saja kan? Tapi atutah, adalah prosedur mo kana ikut kalau kan tukar tuu. Aku ikut saja tah prosedur nya kalau kan bertukar duty atu, mesti isi borang pastu bagi balik dengan si Bantal Guling (bukan nama sbanar juak) supaya ia tauk ada orang bertukar hari sekian-sekian haribulan.
Tapi, atutah yang buduh paloi nya bila tiba-tiba saja hari ni si Puki Bantal Guling ani tadi ah kan marah-marah tah iak bila meliat mua ku antar borang tukar duty nik. Bukannya aku saja di marahnya tadik, dengan Kak Ibiza sekali lah di marah-marahnya.
Tapi, aku dapat rasakan lah macamana respon raut wajah muka si Kak Ibiza tuu macam tekajut ah di marah. Buduh banar si Bantal Guling ani, kami dua balom tah juak bercakap apa-apa sudah tah kan mengamuk di mija. Eiiii... macam babi jua eh. Babi pun nda macam atu. Banar bah! sasak ku urang marah-marah ani. Bukan nya ku expected tuu pulang. Kasian jua ku meliat mua Kak Ibiza macam terkinjat meliat perangainya catu, walaupun sebenarnya kami memang tau prangai nya macam atu, tapi nda kan bila sudah perkara betul macam ani kami ikut prosedur pun kan dimarah? Apa ko nda kraja ka? Memang tugas mu jua tuuu... Kan marah pahal? Babi jua eh. Paloi ko atuu... Banciyoooo... Dulu-dulu kadang tukar duty ani nda perlu bah ikut gilak prosedur, tapi, semenjak tah si Bantal Guling ani pindah ke bahagian jaga duty urang ani, semenjak atutah iak macam ketatkan prosedur. Bah, sudah tah juak ko ketatkan prosedur, bila urang banar-banar ikut prosedur mu, ko jerut tah pulang liher dorang sampai kan lamas mati!... Eiii, apakan ko ni sebenarnya, macamana tah juak ko boleh tinggi pangkat dari aku? Utak mu sebalah tu ada sot sikit wayar nya ah! Ishhh... menyampah. Ari atu, bila ku nda buat isi borang, ko marah. Masa atu sebab aku nda tauk. Aku cuma ganti urang, 2 bulan lapas rasanya. Bila hari ani, aku dah ikut prosedur, ko marah tah juak?!!! Ish, serba salah. Mana satu tah... Mun ku melawan jua tadi, menang sudahku bah! Prangai mu macam taik kucing!
Cuba tanyaku. Kenapa tah jua kan Dee? Ko ani marah-marah sampai macam ani? Mo tau? Bah... sebenarnya, aku ngan Kak Ibiza tu tadi, nda jua heran bah kalau iak kan marah-marah tu. Tapi, iak marah nda bertempat. Menagur urang macam nda beradat. Biadap bah. Ingat pangkat mu atu tinggi gilak? Bagitau saja ko atu penakut bah.
Masalahnya sebenar, tadi iak malukan kami dua bah masa mula-mula datang atu. Kami kan masuk kawasan biliknya carik iak, dah tu bila dah jumpa tu, nya meliat borang biru ku pigang atu. Paham tah iak sudah borang atu kan bertukar duty. Masalahnya, iak salah paham. Sangkanya, mun aku ni tukar duty, tarus nda bertugas lagi bulan atu jua! Sial!!! balom juak cakap sudah kana marah! Sebenarnya, aku pun nda mau bah! Kak Ibiza mintak tulung, atutah ku tukar saja. Aku flexible pulang mana-mana tarikh ku kana atu. Baik sudah tuu, kami dua sama-sama tukar sebab sama-sama kan ganti. Jadi, sebenarnya nada masalah kan tukar tuu sebab ada prosedur. Bila rasakan tukar waktu bertugas tuu, perlu ambil borang warna biru tuu isikan. Rasanya sudahku buat. Sama jua Kak Ibiza. Terkilan jua aku tuu di marah. Sebenar-benarnya lagik!!! Iak marah kami dapan semua urang dalam opisnya atu!!!! Nda pandai bercover!!! Cakap basar-basar!!! Dah tok, cakap basar-basar kan menunjok kami ani di mata urang yang melintas atu, kami dua ani bersalah lah konon!!!! Dei!!!! Babi! Mun aku ikutkan panasku jua tu tadi, ku ampas meja mu ku bulat-bulat cakap situasi kami tadi! Aku nganang ko tu bini-binik saja bah! Mun indak!, ku cakap ku banar-banar tu, tapi aku bukan suka juak kan memalukan urang balik! Nganang jua bah, aku kan mulih time atu tadi, kan capat, mun ku ngamuk jua di mija mu atu, lambat tah pulang ku mulih karang. Dah tok, mun ku bawa juak kelaik kang, berpanjangan tu karang. Malasku ingau!!! Baik lagi ku bercakap ngan dinding! Haha...
Tapi, apapun, janji iak dah sign jua lah tanda setuju kami ani dah bertukar ada pengganti. Kami dua kan kira tukar suka sama suka saja. Bukan macam masalah iak dulu yang kalau urang kan tukar duty nada langsung kan ganti. Atu banar tah kalik kalau iak kan marah kami macam tadi. Aku pun sbenarnya masih dapat bawakan sabar ku atu tadi sebab aku berusaha membayangkan mun aku berada di tampatnya menghadapi situasi ani tadi. Bagiku, mungkin iak tengah pikir, siapa kan ganti, payah kan bercarik urang, jadi, sebab atu tah jua aku nda ikutkan panas. Lagipun iak yang salah paham tuu. Nasib baik aku ani bukan ruas mu. Mun indak, paham saja tah pepatah buku bertamu ruas. Kan? Jadi, aku dengan gentleman nya tadi hanya senyum saja dari A-Z kana marah tadi sebab aku tau la iak tengah jadi api, nda kan aku kan marakkan api lagi, aku berusaha tah jadi aing. Mun ku jadi pasir? Haha... Sot jua eh... Aku pun bawa sajokkan ati jua tadik, ku tau jua pulang andang style prangainya catu, jadi, aku anggap, prangainya, biar macam atu skalipun, mesti ada bah sebahagian lagi dari atinya yang baik. Mun banar-banar iak atu jahat, aku rasa, bukan tampat kraja ani tampat krajanya. Haha.. dalam jail kalik. Haha... adeh, pandai tah juak sajok atiku ani sendiri tadi malasku bawa pikir sampai ke mulih tadi. Tambahan tah lagik ada juak banyak brita baik untuk diriku sendiri sebenarnya hari ani ah... Haha.. mo ku share?
Erm, pagi tadi, ok saja. Gagau-gagau ku datang awal, tarus ku buat krajaku di mija. Baik tah siap jua ari ani. Dapat tah jua ku buat kraja lain yang lebih kurang pentingnya jua. Dah atu, macam biasa tah, asal saja pagi awal macam atu, mesti kan sarapan. Tapi ku suka nunggu Kak Bayam (bukan nama sbanar) datang baru tah sama-sama turun mbali sarapan. Cuma, ari anik, awalku datang tu tadi nda ku madah iak aku dah sampai dalam bilik. Sebab, kemaren, tau jua ku iak tension ngan Bos sbanarnya. Kemaren tu iak kan mulih sudah pukol 4:30pm jua, tapi, tiba-tiba kana suruh bos tulong print ngan cari fail. Tambahan tah juak pukul 4:20pm sudahh... Jadi, atutah iak tension. Sebab, fail-failkan di cari atu mau-mau ambil masa iak 1 hari kan ngeCheck. Jadi, kemaren, time boss meeting jua time ia kan mulih, ia mulih tah saja tarus. Hari ani baru tah iak gagau banar-banar. Jadi, atutah aku nda brani tagor iak takut iak nda mau kana kacau kan buat krajak. Hehe... Tapi, atutah, tetap aku kana kol bah. Haha... mencari tah jua urang aku ani ah...
Bali sarapan ngan Kak Bayam dah tok, makan sama di mija, dah atu, macam biasa aku sambong balik krajaku. Time ku sambong balik atu, gagau ku ni banar-banar, Bos baru sampai. Hehe. Bila bos sampai, masuk bilik, keluar bilik, tiba-tiba... Iak lagau namaku. Terkajut ah jua ku. Haha... macam bersalah. Ku tuleh iak. Iak bukak beg kiut damitnya, nya bagi aku laptop damitnya. Hehe... Iak bagitau minta tulung ku buatkan laptopnya macam aku atur pc kraja nya kemaren. Hehe... Kemaren aku tulung Bos atur pc nya nada Microsoft 2007 sebab iak pakai Microsoft lama yang 2003. Jadi, kemaren skajap saja ku atur tulong install :) Atutah iak pk, mesti aku dapat buatkan arah laptop barunya. Settle. No problem saja tuu, lagipun, aku ada simpan Setup Microsoft 2007 tu dari pc kraja juak. Sebab atu sanang.
Dah atokkk, erm macam biasa jumaat, gagau kan Solat Jumaat. Cuma ujan saja barai-barai dikit-dikit. Selepas solat jumaat, g tapau makan di bangunan lama bakas kraja dulu. Maksud, dulu kami punya tampat kraja nyewa di bangunan atu. Dah nda nyewa sana, sebab dah pindah balik HQ sinik, nda tah lagi salu mbali makanan sana. Makanan sana ok dikit dari makanan kantin sini. Hurmm...
Selesai makan tu pulang, aku g bilik opisku, meliat ada Kak Bayam jua. Ia lagau ku. Usulnya macam ktakutan pun ada. Hehe... Rupa-rupanya iak ktakutan Bos bad mood saja ari ani. Sampaikan Bos boleh tarik balik signature nya untuk approvekan staff kan mbuat loan mbali komputer. Ui naahhh, banar-banar bad mood bos atu ari ani ah. Atutah aku senyap saja buat krajak sendirik. Kalau indak, mau jua ku tagor-tagor. Hehe...Tapi, sungguh dalam bad mood Bos atu, tetap jua Bos ku atu tersenyum bah ngan aku. Hehe... mo tau kah knapa? Gatal banar si DeeDee ani ah nda mo madah. Bagitau baaaa~ Ermmmmm.......... Arrrr..... Okeh! Hehe... Tau kah atau ingat nda? Blog-blog ku sebalom ani pasal apa yangku perjuangkan? Erm... Haha...
Okaylah... sebenarnya Bos tersenyum dan tarus sampaikan berita baik denganku tadi. Haha. Yeay!!! Berita yang nda ku jangkakan menunggu. Tapi, cukup membuatkan aku dan orang di sekelilingku yang terdangar tadi turut gembira juak! Hehe... Berita pasal pengesahan jawatanku! :)
Semalam, macam ani critanya. Kemaren basar tah juak beg ku bawa ke opis semata-mata kan mbungkar balik fail-failku ngan sijil-sijil. Dah ku lengkap semua fotostat macam yang kawanku arahkan sebalom atu, aku tarus hantar ke Admin. Tarus ari ani dapat tah pulang surat kan sah jawatan. Haha... Capat eh. Siuk eh!!! nda sia-sia tahun ke 3 aku di Kuala Lumpur ani, aku dah berjaya menamatkan kesemua pelajaranku dan kursus-kursusku dengan jayanya hanya dalam masa setahun! wuhuuuuu!!!! Nda mustahil namaku akan naik nantik dalam Anugerah Khidmat Cemerlang kalau nda tahun ani, tahun dapan! Owww Yesss!!! Capat sah, capat tah aku mulih ke Miri balik kraja sana sajak!!! Haha... InsyaAllah! Tapi tadi Bos cakap iak balom sahkan lagi lah. Mungkin ada tu kriteria-kriteria lain yang nya perlu pertimbangkan untuk sahkan aku tuu. Take your time bos :) Tinggal iak kan sign saja lagi tu bah. Lagipun, aku kira okay sudah tuu sebab ada orang ambil masa 3 sampai 5 tahun untuk sah jawatan gara-gara nda dapat abiskan exam, kursus lah atas sebab-sebab tersendiri. Fiuh... syukur lah aku nda macam atu. Alhamdulillah...
Hahaha... atutah ari ani, sungguh basar ujianku kana marah sebelum kan mulih atu, rupa-rupanya mo uji ku lagi tahan ka inda kali ah. Tapi brita sebalom ku kana marah tu cukup membuatkan rasa marahku atu terpadam semula bila ku teringat. Apatah lagi sebanarnya, lepasku kana marah oleh si Bantal Guling tu tadi, sajok balik hatiku ah kana puji kawan bahagian lain di tampat kraja. Hahahahahha... ko ni DeeDee! Tetap Havoc bah dalam diam-diam ubi berisik nik! Mo tau ka apa kawanku atu cakap ngan aku?
Hahahah... ermmm, tadi ah, keluarku saja dari lif atu masa kan punch out, sampat tah juak kawanku ani puji ku! Alhamdulillah ah... iak pujiku, "Ko ni, kenapa ko nda jadi model saja kan? Ko ni dapat ba jadi model~"... Brrrrhh!!!
Hahahahahaha....
Tergamam lah aku di mesin punch kad tu tadi macam muka katun tersenyum menoleh. Aku cakap, "InsyaAllah, haha... tapi parotku ani terkeluar sudaaa ni, mana dapat..." kononnya aku ni bagi alasan la tadi, padahal kambang tah kali ah kana pujik! Haha... memang sebenarnya aku mau pun, tapi aku nda nyatakan dengan urang. Tapi, aku terkajut lah bila iak yang facebook nadak, tahu pasal kegilaanku bergambar dan posing maut pun inda, buleh ia cadangkan aku jadi model pulang? Atutah yang jadi tanda tanyaku tadi. Pas atu, iak jawab, "aiieee, buleh tu parot mu di buat tu, bukannya susahhh~ hehehhheheh... ko jadi lah model...". Lepas tu kawanku atu berlalu pergi dan sampatku ucapkan arahnya, "insyaAllah"... Hehe... Atutah aku sehari-hari ani, dalam keadaan senyap, dah tu kana marah sekalipun, tetapku tenang sajak! Sebab, tiap kesabaran tuu, ada hikmahnya juak. Tambahan lagik aku boleh tersenyum riang jua mulih kraja tadi kan ke stesen bas. Aku dapat income tulong member lain si Cali (bakas gerek arwah Kak Nana juak) minta tulungku balikan iak Tiket Flight ke Thailand. Hehe... Settle.
Jadik, kesimpulannya untok hari ani saja, aku pikirkan, mo jadi Model saja. Ah??????????????????? Hahahahah... Dei! Baru tah jua ari ani dapat berita pasal pengesahan jawatan tarus tah pulang kan brantik? Gilak!!! hahahahhahahaha... nda nda nda nda nda.... nda tah lagik baekkk eh mun pikir macam atu. Hahaha... palis-palis!!! jauhkan!
Nada.... saja bah nyanangkan ati ani. Urang lain nampak potensi aku untuk jadi model mun ku banar-banar mau, tapi aku nda jua jadikan Modelling sebagai pekerjaanku. Bukan sanang tu ah sbanarnya. Mun muda selamanya baru tah aku mau tuk. Haha... Erm, lagipun biarlah pekerjaan aku atu dapat di terima ramai terutama keluargaku dan rakan-rakanku juak. Kalau modelling, nda semua rasanya stuju dari segi adab dan tatacara kehidupan keluargaku. Nda pulang ku pikirkan untuk kepuasan hati urang lain baru tahku dapat kraja, hahahha, cuma, setiap urang memang ada alasannya tersendiri bah kenapa inda mau. Aku ada. Tapi, bukan sekarang masanya aku ceritakan. Suatu masa karang k. InsyaAllah.
Kalau bercakap pasal kraja ni, sehari pun nda cukup kalau di taip. Apapun, setakat ani saja tah critaku ari ani. Esok aku kan meluah dengan kawan sama krajaku saja. Esok ari sabtu, aku ajak Marshill ngan John gi meliat wayang di Time Square. So, esok ku sambung meluah lah lagik dengan durang saja. Hehe... antara kawan-kawanku di KL :)
Pengajaran : Bersabar tah saja biar apapun perkara yang berlaku, tapi jangan pulang jadi tunggul batu saja kalau masih dapat dibetulkan perkara yang sememangnya betul, baik dibetulkan. Bila sudah betul tu, tunjukkan dengan bukti lagi baik. Bila buku bertamu ruas tah kiranya. hehe... Kalau memang dah tahu jua apa akan berlaku mun di taruskan jua, terima sajalah padahnya. Bersabar atu lebih baik daripada marah yang bukan-bukan dan akhirnya memakan diri sendiri dan merasakan diri sendiri tu buduh. Lagi teruk rasanya. Hehe... okaylah, sampai sini tah saja Edisi blogku dalam bahasa Brunai ku ani untuk hari ani. Haha. mun paham bisai! okeh!!!?? Bah, hug and kisses XOXO.
Daaa~
No comments:
Post a Comment
Note: Only a member of this blog may post a comment.